-
按下留言即可。歡迎各位盡抒己見。守則第一條，就是這裡講完這裡散，不要含怒到下班。
另加一條：可盡情爆行內黑幕，但禁止「內容空泛、對討論亳無幫助，純粹辱罵的人身攻擊」。各位如在討論期間遇上這類留言，請一律漠視，不要對其作出回應。
這裡很開放。除非犯下以上規條、發放廣告或重覆灌帖，否則無論什麼立場的留言，都不會刪。
若閣下想保障自己和同業友好的私隱及飯碗，留言時不妨開新帳戶或用假名。但為方便識別，請不要匿名留言。多謝合作。
- ﹝我是Su，是開設這個留言博客的人。為確保博客內言論不受管理者的立場所干預及影響，本人將會從七月六日開始，不再於本博客留言。﹞
55 則留言:
其實，成日都講切雞界氣候切雞界現像，有個咁嘅地方就不如講吓人。如果阿靳石老陳阿倫算第一代，各位對家陣嘅第二代有乜睇法？何謂第二代，我列幾個名以供參考：
沙啦啦揸𨋢人夏老威 / W朱咀兒 / "版權所有"SK Lam / 又一奸人史丹利王 / 品牌醫生李永銓(佢到底算邊代，都好難界定) / CoDesign 洪林 / 蔡楚堅
要逐個講實有排講，我最想講係又一奸人，憑乜野用紅白藍去代表康港? 憑乜野乜Q都紅白藍紅白藍呢？紅白藍我諗到係法國囉。同埋我聞說佢呢條"橋"都係"inspired by"某某架乍。
可唔可以學回歸甘，用拾年份(Decade)來分第幾代？
我先試試組識下：
(以"揚名"之日來排)
初代：七十年代中期及末期：
汕頭大學靳院長
老幼堅
二代：八十年代中期：
三色山人Stanley
大同小康
李醫生
三代：九十年代初起至千禧年：
Sandra
御用天才夏老威
W祖兒
樹三金(SK)
漏左導演模擬陳
都將佢放入第三代
更正：Sandy Choi
紅白藍以和為貴
又一山人的誕生黃炳培三十出頭時，事業已有成就，開始思考人生意義。「如果我死的時候，回顧自己一生，總不能認為自己（創作的廣告）幫別人多賣了若干條牛仔褲，就算是畢生最大的貢獻！?」賺錢從來不是他生命的意義與目標。尋尋覓覓之間，他為自己取了一個別名︰又一山人，當時對這個名字也沒有什麼具體計劃，久而久之，「一國兩制」，慢慢將工作劃分給兩個「戶口」︰賺錢工作屬於黃炳培，而其他非商業性、有理念的工作就撥給又一山人。紅白藍就是又一山人的傑作。
「我開始試圖用設計、廣告、藝術等等角度，利用我的伎倆，做些推動正面態度、宣揚和諧的事情。」至於做什麼，卻又沒有明確的方向，直至「重遇」紅白藍。
「紅白藍袋積極生活，任勞任怨，不怕風吹雨打，日曬雨淋，堅韌可靠，又靈活變通，這不正是六、七十年代香港人的堅毅拼搏精神嗎？當時大家努力耕耘，不怕艱難，同心合力。」說起來，好不振奮。「可惜這種精神如今蕩然無存，我們現在只看到太多的失落和放棄。」眼前的方向由迷矇變得清晰，紅白藍為黃炳培指引出生命的意義和方向。
我諗廿年一代會容易分辨一點。(以名氣計)
六十樓上：
石老、勁叔、蔡永燦先生 (太古城、美乎的已故建築師)、無邪王 … 等。
四十樓上：
蔡楚堅、余志光、Jennings Ku、李醫生、阿倫陳、劉小康、又一刪人、陳曾黃朱梅、祖兒朱、Vivian Tam、Rocco Yim (architect) … 等。
二十樓上 (未到四十)：
夏老威、SK、洪林、小克、db Lam、Henry Chu、Rex Koo、Benny Luk、cubemen、Panism、Sleep at work、Rice5、milkxhake、模擬陳、、Carrie Chau、Sunny Lau … 等。
其實後生嗰輩數落都唔少。
用紅白藍代表香港根本就戇居，香港成個經濟結構已經轉變，你估以前輕工業痴膠花既年代咩，仲講「捱得抵得諗」，聽乞食啦實行。設計師最弊既問題係無讀過書，淨係識得畫公仔（依家連公仔都唔識畫），果ｄ咩創意咩concept咪又係果ｄ廣告式既度橋！即係賣乜都好硬係要俾個笑位你既，再唔係就玩騎呢。呢ｄ咁既膚淺度橋人就好似現代智者咁，真係想嘔
紅白藍以和為貴，你post呢段野又唔落自己諗法，係完全冇意義的，樓主開得呢個地方，就係希望多d討論。
「六、七十年代香港人的堅毅拼搏精神」,真係廢話中的廢話，牽強到爆，同埋，佢玩左咁耐根本冇深化過個題目，好明顯一開始就純粹係玩visual再監硬嵌個講法入去，之後佢用紅白藍做果乍3D野，更加證明左呢個所謂concept係唔關事。
反而歌神果陣個繼續淫笑演唱會派紅白藍袋，仲同乜鬼「六、七十年代香港人的堅毅拼搏精神」有多啲關係，我到家陣仲見有阿嬸"咩"出街。
夏老威四兜架啦，其實仲講漏左個名，不過又唔知算唔算數，就係林狗。
唔 … … 林狗都算，咁尖睡紋都要計埋囉，學院派創作人，康港少嘛。
玩紅白藍當 gimmick 歌頌一下康港精神其實冇乜壞，好似 G.O.D. 玩分類小廣告、馬飛咁，但玩完又玩重重覆覆樂此不疲咁當大智慧 manifesto，就有啲膚淺了。(小學生用蟻、蜜蜂作主題歌頌港人都得啦！)
正如零二年，海道會搞「大女人」海報展，難道作為有阿媽的人，就日日講「母愛真偉大」「阿媽是女人」嗎？
雖然有好多藝術家都喜歡用死一個主題，奉獻一生，但康港切雞界名人玩嗰幾招，剪影人、櫈、水墨、老康港、紅白藍、中西合璧等，硬係好似深度不夠，有點沽名釣譽 feel。
朋友提到個字好有意思："深化"。最初會諗，商業設計最重要係令受眾記住品牌形象同促銷推廣，所以某程度上可以容許內容較"膚淺"(好似靚女皮膚般的淺薄)。至於"深化"同解構呢家野，係藝術家先要時刻留意既範圍。
但係，假如根據以上黃既留名標準，商業設計留真名，山人就負責藝術方面。甘問題就好大。
唔知點解，設計師出名後，好多都鐘意痴埋去藝術家之類既身份度，有種又要發財又想立品既感覺。而且身份越多就越好，反而對職業既專注性同精進度就唔係首要考慮。唔止又一係甘，學子提到既二十樓上，夏威、模擬陳等，都會掛攝影師、導演等十幾個牌頭。
牌頭同職業有分別既，比如"設計師"只係林狗既"牌頭"，唔係職業。
同意學子，好多本地設計師其實對社會認識都只係流於表面。結果present出來既interpretation好"唔入肉"。老一輩只係識強調港人刻苦耐難，HK始終會更好。新既一係跟老一輩(出名個班)，一係就跟足蘋報講既野批評社會。結果大家都係盲佬摸大笨象，以為自己先最真最mature。
林狗係學院派?唔關事化?
如su所講，"切雞絲"係林狗個牌頭多於職業，所以我話佢唔知算唔算。不過沙啦啦成立後能夠棟起支旗佢又實在係貢獻良多(好多人以為佢係老闆之一，其實唔係)，抄就冇得賴架啦，真係抄好多。不過當年見到hard bit個吸索pack同goodtimes個膠cover，明知visual抄小山田都覺得有驚喜。
我懶打字，但都一樣支持這blog！
我覺得紅白藍唔算good work，係nice try，又唔需要擺咁多包袱俾佢
例如要甚麼深化香港精神、中西合壁呀之類，實在太沉重了
香港精神就是「識走位搵快錢」，其他都是副產品，尤其「共同奮鬥」向來不是香港人的特質，香港人一向都是自求多福，日本人才是共同奮鬥的代表者。
至於堅毅拼搏的前提也是眼前有可見的利潤，香港人不會為了30年後的目標堅毅拼搏吧？例如BBC 設一個以十數年為限的documentry 紀錄幾個家庭的小孩成長歷程，香港電視台就不會在這些題材上堅毅拼搏了。
反而學子講一個point 就代表了香港精神，就是深度不夠，搵快錢的地方不夠時間醞釀深度是很正常的
至於一個人N個身份，去到果個位，就要靠呢d關係去搵食。例如以前幫某立會議員做助選design，佢d 頭銜夠填滿一張摺卡內頁 (10 pt 字，卡片皇摺卡size)
就算每個post 每周做一個鐘，都肯定做唔晒
所以當中一定有大部份是虛銜
即使喜愛浮名，有咁多個title 都是煩的
可見都係果個階級的一種生存門襤
好多design 名人為左做生意，耐唔耐都要接受訪問，訪問又例牌又些勸勉後輩的內容，名人為求穩陣，多數都係開甘草薄荷藥方，即係甚麼多努力、擴闊c眼之類的9 up，附帶一兩句甚麼香港設計太多污煙漳氣之類的肺話，因為唔講顯得自己無opinion，所以呢d 不隨意肌必定要郁兩下
有人信果d前輩訪問係仙丹，聽完飄飄然，good for you
自問聽完就算，查實香港有無創意，視符佢本身是否需要創意，宜家炒股賣地一樣發大達，貧富懸殊也不是靠創意去解決，創乜？
如果同設計師比，我更加頂唔順康港d所謂偽術家。設計師安守本份做下設計，幫d卡啦ok唱片賣多幾隻，都叫做幫助下d失業率，起碼響「經濟上面」有些少貢獻。
喂，唔好以為做d唔賣錢野既野就叫做藝術先得架！其實呢d叫做打飛機，初中生都識啦，不過你有power響公眾地方進行呢d私人野咁解之麻。(講開又講，其實真正既藝術都唔知幾賣錢)
除咗石老，重有勁叔，一份尊重是少不了的。
至於，阿倫陳，就 … …
出名就即係勁？咁係咪賣得最多唱片既歌星d歌就最好？銷量最高既報紙最有公信力？人口最多既國家就最強大？
香港社會真係弊，批評下、討論下就即係眼紅人地，一句「吃不到的葡萄是酸的」就可以唔駛理人地批評既「理由」。
如果你覺得邊度講得唔岩，大可提出反駁，呢d叫理性討論，唔好響度憑地位憑身份訴諸權威。
不過，就係因為有一班似得你咁無獨立思考，咁無理性既「群眾」，果d低質素設計先能夠「出名」，然後俾番你地去迷信。
其實我想問你地唔悶既咩?! 我以前成日都講香港設計點點點，越講越悶。我認同你們的東西，我真係諗到咩新觀點可以同你們談論一番。其實又係黎黎去去果類問題。我現在只做一名觀眾。
wo-b-y
講咁多年普選都悶
悶是否代表不應該講，由得佢無普選呢？
老師教咁多年書，講來講去都係果d
唔悶既咩？
dororo
點解堅持到唔覺得悶? 我頂唔順最後倒下。
做人都好悶的，對所有嘢缺乏熱情真係命都唔長。老土都要講，唔係有熱情的話我都好早倒下，就係因為有熱情先成日要鬧，唔鬧即係連最起碼嘅關心都冇。
so far你留嘅幾段comment，都已經顯示出你嘅質素，我唔會嘥時間逐個point同你拗。只想講如果你係佢本人或佢啲friend，寫埋啲咁嘅嘢只會幫倒忙，明星job?你咪笑死人啦。
嘩，變咗潑婦。
利害！
{{ : p
似乎果位匿名小朋友真係好關心Ivan Chan
不斷登上wiki刪除所有關於陳輝雄的文章
咁賣命
肯定交情匪淺
大家可唔可以介紹香港研究設計的老師？即係專門研究設計，著書立說，有系統提出新理論的人，而唔係齋做設計的設計師。
最後位仁兄提到的 "研究設計的人" , 暫港好似真係無.... 大家唸唸下 , 其實所謂 "研究設計" , 其實咪又係從事設計業的工作者 ? 咁唔係設計師係咩呢 ? 我好奇係點解設計師唔係 研究設計的人 ?
香港好似無咩見過有大師出書講設計 , 自傳既就好多 ~ 或者係小女子我孤陋寡聞丫 ~
顏金桫算唔算？
不要說甚麼學者了。康港連一所「art and design college」都欠奉，art 與 design 分家，加上拜金，有乜辦法唔走向獨孤一味「工商設計」吖？！
我認識一個朋友幾年前在某切雞院校讀graphic，他說好多tutor根本唔睇書，連一些應該認識的designer名字或作品都噏唔出。學生做張resume見工，居然教人玩typo，話"draw到人attention"。
我覺得問題是雙向的，一方面教書的不夠專業，無論學識和見識都是有限公司，另一方面大家根本不把切雞當成是一項專業或學問，只被當成是技術(很多初認識的行外人知我做切雞，第二句十居其九一定係：咁你電腦咪好叻？/咁咪要用電腦?用mac?)，某程度上又是第二個問題衍生出第一個問題
我反而遇著 d 朋友一聽說做 design 就會問 "你畫畫好叻架 ?" , "好型呀 !" .... 前者就唔知係唔係個個做設計既都好識畫畫畫到天花龍鳳 (但至少識畫點線面囉) , 後者... 真係.... 被奶周果 d 薰陶了 .
早兩年遇到一位朋友 , 當時佢去左 ou 定係其他大學搞既校外課程度讀 design , 佢話 , 原來同學仔都只係睇奶周 , 覺得奶周先係 design magazine , 甚麼 idn 未聽過 , page one 永遠唔會去 , 因為大家 d 雞腸都係有限公司 , 患有 "雞腸恐懼症" .... um........ 其中一個 tutor 仲 0係 堂上吹嗡自己識得 4 a 既人 , 點點威水之說.....
唔好講設計師質素差天共地 , 就連 tutor 質素都係咁 , 難怪會做成香港設計界咁樣的 .
教設計好搵過做設計。眼見有好多人，讀個學士或碩士學位，都係為去教書，過穩定生活。佢哋生活當中，除咗消費上可能跟設計有丁點關係外，如買買 designer chair 或 iMac、iPhone、I'm not a plastic bag，其餘生活習慣跟一般庸俗市民冇異。
良校難覓，良師難求。誤人子弟，實在普遍。
(朋友，極之值得鬧爆佢唷！)
題外話 :
我見到個 i'm not a plastic bag 好有種高登感覺... "i'm platicman" , 我是膠人... 初初仲以為高登出品添 .
官方網站咁解釋關於呢個袋...
What was the bag designed for?
I’m Not A Plastic Bag is a reusable bag that can be used for shopping, the gym, the beach, school etc.
We are trying to use our influence in a positive way to make it fashionable not to use plastic bags, to raise awareness of this issue and to encourage people to make small changes in their behaviour.
咁即係一般出街袋啦下話.... 點解要 label 佢做 "reusable bag" 呢 ?? resuable bag 唔係態該比你拎住去街市買送時 , 0係 個袋裡面拎個 reusable bag 出來載送既咩 ?
作為一個出街袋 , 佢真係抵到爛 ,
但作為一個 reusable bag , 佢係貴到爆 .
我都係鍾意拎住個百佳環保袋去買送 , 平時落街買送用袋仔載住銀包濕濕星星野 & 環保袋 , 啡呢之骨呀 !
天下五百期，都仲係聶瘋步驚暈，老馬同王小苦鬥長命個決心都好大，計我話一於學MARVEL咁，打到變喪屍，玩到五千期都仲得
恕我孤陋寡聞，我是到昨天才知道Poly一個學年原來要儲夠三百個working hours才有資格畢業。如果是真的話，我覺得很荒謬
原來 Hell's Kitchen 簡寫都係"HK"，而且重有Logo，都幾靚架。
http://i6.photobucket.com/albums/y240/Thousandbars/0728HK2.jpg
http://thousandbars.blogspot.com/2005/07/hells-kitchen-revisited.html
香港
國際地獄廚房
HK's logo
創作人，努力去創作一條好橋。好橋賣得，卻成了創作人的最後一條橋。諗落都幾悲。
不過有老本食總好過冇。究竟做創作先保守，還是受眾先保守呢？
… … … … … …
那莫非是小克在馬斯特中所提及的 Poly 改制？間接令學生保守了，為了畢業，唯有遵守程序，求分數？
Hell Kitchen 個撈稿真係 witty！
五劃，已完全講出 HK 有幾 hell！
喂，最近這裡為甚麼咁靜？
還有A.I的John Wu也算是第二代吧...？大家覺得A.I怎樣?在香港他們也算是出名做Multi media的公司吧？不過這幾年...好像少了新作品呢...?
張貼留言